平民扒房@友蠔食 (已搬遷) 新店位置

今日放工突然間想食鋸扒，好耐冇食過，於是約朋友放工喺旺角搵扒房，正當我哋行緊女人街嘅時候見到呢一間叫做平民扒房，好似好吸引咁，咁岩仲早，所以比較少人，諗都唔諗就入左去，叫左個二人餐，包括羅宋湯，海鮮拼盤，巴西牛柳，同埋蒜蓉白汁蜆意粉，仲有蟹肉忌廉薯餅同吉烈蝦！埋單都係每人$200鬆啲 又扒又意粉仲有咁多冷盤 先唔講味道啦 性價比都已經超高🤤羅宋湯夠酸夠辣 好多地方都係水汪汪咁 呢間個羅宋湯份量同味道都好滿意🤓😍跟住就上左海鮮拼盤，詳情如下：1. 精選生蠔4隻2.帶子刺身2隻3.時令凍蜆2隻4. 青口4隻5.熟蝦2隻6.黃金螺2隻平時出去食，就咁呢盤都分分鐘值$150-200，而家餐400幾包埋呢個真係無話可說，仲要質素唔係差，全部都食落好新鮮而小食嘅蟹肉忌廉薯餅同吉烈蝦真心有驚喜，本身諗住呢啲呢啲炸物都係中規中矩咁，但係個蟹肉忌廉薯餅係creamy到非筆墨所能形容嘅地步，唔係誇張手法，真心建議各位去試下，個吉烈蝦配沙律醬又係絕配！巴西牛柳肉質嫩而且非常多汁，牛柳味道本身都好濃郁，配埋黑椒汁更令牛扒的味道更上一層樓蒜蓉白汁蜆意粉，蜆大隻又有鮮味，白汁仲要超級creamy