影片
更多
2024-09-04
123 瀏覽
生煎包生煎包好有水準，咬開好多湯汁，煎完即刻熱辣辣咁上菜，皮都好薄，基本上冇得挑剔。麻醬手撕雞粉皮麻醬係平時食腸粉會點嗰隻，好香芝麻味，但係唔會有日式芝麻醬嗰隻酸酸甜甜味，撈到最後幾啖唔係好夠味，建議叫多醬。成碟口感都好清爽，粉皮爽爽地，可以平衡番食完生煎包啲油膩感。上海排骨湯麵排骨麵普普通通但係成件事比想像中健康😂排骨炸完出嚟唔會油淋淋，個炸皮係乾身脆口嘅，不過就調味偏淡。湯麵就鹹番少少，加埋兩條菜，整體上唔太油膩。豆沙窩餅同排骨一樣，雖然係炸物但係炸出嚟層皮唔會油淋淋，中間紅豆餡唔會過甜，不過唔會太油又唔太甜已經好滿意。百步香蔥油餅佢唔係平時酥餅/薄餅嗰隻蔥油餅，係似一舊包咁，厚身跟住中間有一大忽蔥，啲油就已經滲曬落舊包度。有麵粉香同蔥香，食落幾香口不過唔係想像中嗰樣野。🤣
生煎包好有水準，咬開好多湯汁，煎完即刻熱辣辣咁上菜，皮都好薄，基本上冇得挑剔。
麻醬手撕雞粉皮
麻醬係平時食腸粉會點嗰隻，好香芝麻味，但係唔會有日式芝麻醬嗰隻酸酸甜甜味，撈到最後幾啖唔係好夠味，建議叫多醬。成碟口感都好清爽，粉皮爽爽地，可以平衡番食完生煎包啲油膩感。
上海排骨湯麵
排骨麵普普通通但係成件事比想像中健康😂排骨炸完出嚟唔會油淋淋，個炸皮係乾身脆口嘅，不過就調味偏淡。湯麵就鹹番少少，加埋兩條菜，整體上唔太油膩。
豆沙窩餅
同排骨一樣，雖然係炸物但係炸出嚟層皮唔會油淋淋，中間紅豆餡唔會過甜，不過唔會太油又唔太甜已經好滿意。
百步香蔥油餅
佢唔係平時酥餅/薄餅嗰隻蔥油餅，係似一舊包咁，厚身跟住中間有一大忽蔥，啲油就已經滲曬落舊包度。有麵粉香同蔥香，食落幾香口不過唔係想像中嗰樣野。🤣
張貼
