日本野 (銅鑼灣廣場二期) (已結業)

和牛壽喜燒($208)，可選飯或烏冬，壽喜燒湯底味道夠濃郁，牛肉吸左湯汁好入味，基本上唔需再加任何調味，肉質軟腍，而且份量都有好多塊。自選丼飯($168)，可以選擇4款魚生，有某幾款需要額外加錢，我今次揀左牡丹蝦、帶子、三文魚、油甘魚，全部都好新鮮，沒有雪藏味道，最肥美係油甘魚，厚切爽口。芥辣八爪魚($28)，我好鐘意食哩款壽司，八爪魚有咀嚼口感，加上芥辣既嗆鼻，簡直係絕配。火灸左口魚壽司($32)，火灸過既左口魚可以將油脂迫出黎，食落油脂香味就更突出。炭燒牛舌串($38)，牛舌size未算好大件，但勝在油脂味濃，而且爽口有咬口感覺。