影片
更多
2019-08-10
94 瀏覽
呢排心情比較鬱悶，難得週末，的起心肝約個老友出嚟飲番杯、吹下水， 解解悶。老友話要地點就腳，想食好啲，但又唔想太貴，一定唔可以限時，週末喎。。。真係考起我。上網 search 一輪，見到呢間一休日本料理，好似平靚正，一於試下啦。餐廳係雅蘭隔離，好易搵。呢度唔單止裝修平民化，連餐牌價錢都非常之親民。食肉獸必點蒜片和牛粒同埋雜錦牛肉鍋。蒜片和牛粒大大份都只係 HKD78, 超抵食 和牛粒夠林，洋蔥蒜片夠香，絕對推介，冇得輸雜錦牛肉鍋湯底偏甜，有啲似壽喜燒。有肥牛、豆腐、娃娃菜、冬菇 、金菇同雞蛋， HKD58 超抵食， 加 HKD12 仲可以有個白飯。食日本嘢點都要叫壽司嘅，我哋點咗餐廳推介火炙胡麻蝦捲。好得喎，蝦好彈牙，配胡麻醬夠開胃。跟住唔少得梗係吹水必食嘅炸雞軟骨同埋酒煮蜆啦。雞軟骨得喎，新鮮熱辣炸起，大大粒又一啲都唔硬，如果少啲炸粉仲好。酒煮蜆酒味比較濃，啲蜆好大隻，大大鍋， 又係平靚正。吹水當然唔少得飲番兩杯啦朋友點左巨峰果汁酒，我就試咗佢哋嘅梅酒 。梅酒後勁都幾強，飲兩杯有少少 over 添
老友話要地點就腳，想食好啲，但又唔想太貴，一定唔可以限時，週末喎。。。真係考起我。上網 search 一輪，見到呢間一休日本料理，好似平靚正，一於試下啦。
餐廳係雅蘭隔離，好易搵。呢度唔單止裝修平民化，連餐牌價錢都非常之親民。
食肉獸必點蒜片和牛粒同埋雜錦牛肉鍋。
蒜片和牛粒大大份都只係 HKD78, 超抵食
和牛粒夠林，洋蔥蒜片夠香，絕對推介，冇得輸
蒜片和牛粒
10 瀏覽
0 讚好
0 留言
雜錦牛肉鍋湯底偏甜，有啲似壽喜燒。有肥牛、豆腐、娃娃菜、冬菇 、金菇同雞蛋， HKD58 超抵食， 加 HKD12 仲可以有個白飯。
雜錦牛肉鍋
7 瀏覽
0 讚好
0 留言
食日本嘢點都要叫壽司嘅，我哋點咗餐廳推介火炙胡麻蝦捲。好得喎，蝦好彈牙，配胡麻醬夠開胃。
火炙胡麻蝦捲
4 瀏覽
0 讚好
0 留言
跟住唔少得梗係吹水必食嘅炸雞軟骨同埋酒煮蜆啦。
雞軟骨得喎，新鮮熱辣炸起，大大粒又一啲都唔硬，如果少啲炸粉仲好。
炸雞軟骨
9 瀏覽
0 讚好
0 留言
酒煮蜆酒味比較濃，啲蜆好大隻，大大鍋， 又係平靚正。
酒煮蜆
5 瀏覽
0 讚好
0 留言
吹水當然唔少得飲番兩杯啦
朋友點左巨峰果汁酒，我就試咗佢哋嘅梅酒 。梅酒後勁都幾強，飲兩杯有少少 over 添
巨峰果汁酒
8 瀏覽
0 讚好
0 留言
梅酒
4 瀏覽
0 讚好
0 留言
張貼
