影片
更多
2022-09-23
425 瀏覽
小豆島日本料理 Shodoshima📍 天水圍天瑞路9號天瑞商場地下G2F舖生日月有好多朋友都有約我食飯，今次就輪到我班中學老友約我，除咗玩下魚蝦蟹同德州撲克，佢哋都有請我食生日飯同買咗蛋糕同我慶祝。因為都算比較即興，所佢哋無book餐廳，揀咗喺附近嘅日本餐廳食飯。 💰$45七味炸雞粒 🐓睇餐牌揀小食嘅時候，係見到佢英文寫住cartilage，以為係雞軟骨所以先叫。點知上到嚟先知原來係普通雞粒，七味粉味道唔出，但有鹹味沙律醬點下，都叫算唔錯嘅前菜，起碼夠大份夠我哋咁多個人分。 💰$108滑蛋沖繩豬扒稻庭烏冬定食 🍜朋友叫嘅呢款滑蛋沖繩豬扒稻庭烏冬定食非常之多嘢食，除咗有滑蛋豬扒，仲有稻庭烏冬，沙律同麵豉湯。最後朋友係食唔晒嘅，我試咗佢嘅沙律，正正常常嘅集材粟米沙律，朋友話滑蛋豬扒都唔錯，味道幾好，烏冬唔會煮得太淋，算係性價比較高嘅一個選擇。 💰$76火焰盛丼 🍚我哋每人都各自叫咗一款主食，我揀咗呢款丼飯嚟試。白飯上面放咗蟹棒、左口魚裙邊同三文魚，再用火炙形式燒，所以大部份食材都係半生熟狀態，個人認口感幾好，美中不足嘅係佢比較乾身，無咩汁，全靠有隻溫泉蛋同豉油先撈得起碗飯。 💰$76石鍋
📍 天水圍天瑞路9號天瑞商場地下G2F舖
生日月有好多朋友都有約我食飯，今次就輪到我班中學老友約我，除咗玩下魚蝦蟹同德州撲克，佢哋都有請我食生日飯同買咗蛋糕同我慶祝。因為都算比較即興，所佢哋無book餐廳，揀咗喺附近嘅日本餐廳食飯。
[價錢 Price]
💰$45
七味炸雞粒 🐓
睇餐牌揀小食嘅時候，係見到佢英文寫住cartilage，以為係雞軟骨所以先叫。點知上到嚟先知原來係普通雞粒，七味粉味道唔出，但有鹹味沙律醬點下，都叫算唔錯嘅前菜，起碼夠大份夠我哋咁多個人分。
[價錢 Price]
💰$108
滑蛋沖繩豬扒稻庭烏冬定食 🍜
朋友叫嘅呢款滑蛋沖繩豬扒稻庭烏冬定食非常之多嘢食，除咗有滑蛋豬扒，仲有稻庭烏冬，沙律同麵豉湯。最後朋友係食唔晒嘅，我試咗佢嘅沙律，正正常常嘅集材粟米沙律，朋友話滑蛋豬扒都唔錯，味道幾好，烏冬唔會煮得太淋，算係性價比較高嘅一個選擇。
[價錢 Price]
💰$76
火焰盛丼 🍚
我哋每人都各自叫咗一款主食，我揀咗呢款丼飯嚟試。白飯上面放咗蟹棒、左口魚裙邊同三文魚，再用火炙形式燒，所以大部份食材都係半生熟狀態，個人認口感幾好，美中不足嘅係佢比較乾身，無咩汁，全靠有隻溫泉蛋同豉油先撈得起碗飯。
[價錢 Price]
💰$76
石鍋豬軟骨讚岐烏冬 🍜
用石鍋上嘅烏冬熱辣辣，個湯滾住好暖胃。豬軟骨都煮得淋身，調味夠哂濃，件數都多，不過個豬骨湯底就偏有，攤凍咗就有層油浮面，烏冬彈牙，冬天食應該比較適合。
[價錢 Price]
💰$98
火炙三文魚軟殻蟹卷 🍣
全場最好食應該非呢個卷莫屬，火炙三文魚包住軟殻蟹、青瓜同牛油果，上面鋪滿蟹籽，加埋沙律醬，每一件都食到咁多樣食材，大滿足！不過因為人多，所以每一只係食到一舊，有啲唔夠喉，有機會再食我想自己食一條，哈哈！
[價錢 Price]
💰$38
火炙柚子胡椒帆立貝壽司 🍣
醬汁調味特別，帆立貝都幾新鮮，不過價錢偏貴，唔算太抵食。
[價錢 Price]
💰$29
劍魚腩壽司 🍣
魚肉偏乾身，欠油份，亦有少少筋，比較遜色。
街坊味道，街坊價錢，比起鄰近新北江入面嘅餐廳乾淨，但未有一道菜稱得上好好食，普普通通，勝在分量多，一定食得飽。
張貼
