福緣日本料理 (已結業)

假日唔想煮，出街食。本身諗住去另一間日式食肆，不過因為農歷新年關係，仲未開門。唯有去附近嘅「福緣」頂下癮，好彩一去到就有位唔駛等，一坐低就叫咗滑蛋豬扒飯跟餐四隻炸餃子，等咗5分鐘唔夠，店員就送上熱辣辣嘅味噌湯，飲咗第一啖，已覺足料好味，有白蘿蔔、蔥、海帶，好快就飲晒。飲完碗湯唔夠10分鐘，就有豬扒蛋飯食，賣相吸引，炸豬扒剛好金黃色，不會炸到變燶，豬扒食落亦好軟，蛋亦足夠。唯白飯不算多，女仔夠飽，但男士可能會不夠飽。炸餃子味道不過不失。