新龍城茶樓

營業中

休息中

與同事四人一齊想去食海鮮，就諗起哩間食店，一定要先book枱，預留海鮮，店員就會攞啲靚貨去煮。先嚟過花生雞腳湯，暖吓個胃。之後好快就送上椒鹽飽魚，香口得嚟，飽魚唔太乾身，送啤酒一流。蒜蓉粉絲蒸扇貝三樣精萃夾到絕，蒜蓉香味撲撲，粉絲盛載滿滿，大大粒扇貝，鮮甜入味。個個讚不絶口！胡椒猪肚大蜆湯好在有哩個大蜆湯，中和番啲酒😋😋😋，鮮味足，我自己就飲咗好多碗，邪惡嘅豬肚，入口彈牙，真係大滿足。另外兩個餸忘記拍照。薑蔥煮蟹，呢期啲蟹有靚膏。蒜蓉班塊抄西蘭花，魚塊淋身。