友口馥 (已結業)

今日經過呢間鋪頭見有人係度排隊，胃食既我就上前去八下有咩好排，原來係間買糕點同糖水既鋪頭，見佢啲食品每樣都勁平，而且有啲食品我都未見過，砵仔糕都有五六款味道，幾特別既口味都有，真係估佢唔到，望望下見到有樣叫桃膠既飲品，即刻黑人問號❓咩嚟架呢❓所以膽粗粗買咗一支嚟試吓。桃膠 ($15) : 顏色有啲似羅漢果龍眼水，就眼睇有蓮子、百合、紅棗、蜜棗等等。。。。。。口感黏黏地，味道甜得嚟一啲都唔膩，而且飲到啲紅棗，蜜棗既清甜味道，加上又有渣食都係賣咁平，真係抵過去糖水鋪，估唔到原來桃膠係咁正。🥰