占士牛肉飯有限公司 (已結業)

話說係網上見到呢間係屯門新開無耐既占士牛肉飯，主打係牛肉定食，用既牛肉係美國prime級牛肉，但做法就以日式為主，賣點係平價，最平$39就可以有個牛肉飯，係屯門市中心黎講係非常抵，所以今次就同老友黎試下食晚餐啦。呢間鋪前身都係做日式料理既，食過一次都算唔錯，見到裝修同埋d員工制服都同之前一樣，估計同一個老闆只係轉型做平民餐，門面已貼晒餐牌價錢，主要都以平價黎吸引，咁味道如果就要試試先知。香辣牛肉飯小店都係用Qr code落單，主要都係幾款牛肉飯同炸雞炸豬扒之類，款式不多，今日就先試香辣牛肉飯，雖然話係辣牛肉但辣味只係超超超輕微，怕辣既朋友都一定食到，調味黎講都還可以，牛肉就煮得超超超腍，腍到有d爛，可能無牙都食到，質地黎講我就喜歡有咬口少少，牛肉就應該真係用prime級，因都有d油脂位同肥位，用料唔太差，白飯用珍珠米，可以揀多飯，白飯煮得比較一般，有d位熟d有d好似生d，平民價錢就算收貨啦，另外加$8多個前菜同飲品，今日係麻油蓮藕，細細碟都幾香。咖哩牛肉飯老友揀既，咖哩係日式咖哩。炸牛肉薯餅跟餐加$20就有個薯餅同飲品，薯餅新鮮炸要等耐少少，薯餅入面d薯蓉都幾實淨，都見到有少少牛肉碎，