譚仔雲南米線 (天盛商場)

營業中

休息中

次次諗唔到食咩好就會揀譚仔咁耐以黎都質素依舊，亦係糧尾之選，抵食夜晚7點左右黎都多人，買外賣等拎外賣大概等十五分鐘左右，今次買左個清湯過橋米線兩份 share 食，再加左個 $20 既小食拼盆，係做緊外賣自取既優惠黎，外賣盒就要加一蚊。過橋米線大大碗兩個人一齊食都好夠飽，分左湯，入面夠哂多料，可以食齊咁多種唔同配料，正可惜炸醬同酸菜冇分開上，佢既湯真係好令人上癮亦好重口味，次次食完狂飲水都會勁口乾但又忍唔住係咁飲佢既湯小食拼盆有麻辣木耳，雞翼尖同埋豬耳，食落又唔太辣，幾開胃。