財記海鮮飯店

營業中

休息中

觀塘的午餐就是難搵位，今日中午好熱，想去茶餐廳，但係真係太多人等位了於是去咗隔離觀塘熟食市場其，實第一次嚟呢度，事關感覺不太良好怕污糟😅今次抱住試試嘅心態，有驚喜喎地方雖然唔係太企理，但勝在有冷氣。呢間好似做開小炒應該唔會中伏嘅，同事叫左星洲炒米，非常乾爽好多料啊！而且太大碟，食極都食唔晒。我就叫咗椒鹽豬扒飯，雖然細細件，但有成十件，飽到呢椒鹽豬扒香口好鬆軟，不過咸左少少，少少辣好惹味，另外仲有楊州炒飯一樣咁足料好有鑊氣我哋基本上食晒炒野配汽水，我就揀咗加多寶添，買單都係＄39，真系平靚正