影片
更多
2018-12-17
43 瀏覽
之前搭車見到呢間餐廳好似新新地，細細間好精緻咁，所以今晚放工行過就諗住食埋飯先返屋企。另一樣好吸引我既係10蚊生蠔！雖然女友有啲猶豫怕唔夠新鮮唔夠靚，不過呢啲野唔試真係唔知架嘛😂入面裝修好新淨，而且枱同枱之間好闊落，坐得好舒服。餐牌設計都幾多元化，而且你可以選擇轉做set dinner，但太多食唔哂就咁單叫都得。女友見我想試蠔，就提議一個轉set，一個單點，加埋蠔就剛好。👍🏼先黎個法國蠔，十蚊！天啊！咁大隻都係十蚊，而且鮮度十足，有海水味但入口都幾creamy，值30蚊啊！好抵好抵！連女友都好滿意！Parma ham 沙津既火腿比想像中多，薄切得黎好甘香，同菜、醋既比例好夾，好食。相比之下個南瓜忌廉湯就比較淡，加多啲南瓜會更好。另外個黑松露多士好香、真係幾重黑松露味，好少食到咁既多士，幾好既嘗試😋到兩個主菜，安格斯肉眼扒 - 上碟上得好靚，黑底加上幾種顏色既蔬菜，上面有少少炸蒜粒，加埋個蘑菇黑椒汁，好全面既一個main course! 塊扒好大下，不過有一邊薄啲既就有啲乾同偏熟，但係！主要嗰邊既扒係真係半生熟，好juicy好香肉味！就咁食好有燒牛既香，而點個黑椒汁就提味，兩樣都好食。配
另一樣好吸引我既係10蚊生蠔！雖然女友有啲猶豫怕唔夠新鮮唔夠靚，不過呢啲野唔試真係唔知架嘛😂
入面裝修好新淨，而且枱同枱之間好闊落，坐得好舒服。
餐牌設計都幾多元化，而且你可以選擇轉做set dinner，但太多食唔哂就咁單叫都得。女友見我想試蠔，就提議一個轉set，一個單點，加埋蠔就剛好。👍🏼
先黎個法國蠔，十蚊！天啊！咁大隻都係十蚊，而且鮮度十足，有海水味但入口都幾creamy，值30蚊啊！好抵好抵！連女友都好滿意！
Parma ham 沙津既火腿比想像中多，薄切得黎好甘香，同菜、醋既比例好夾，好食。相比之下個南瓜忌廉湯就比較淡，加多啲南瓜會更好。另外個黑松露多士好香、真係幾重黑松露味，好少食到咁既多士，幾好既嘗試😋
到兩個主菜，安格斯肉眼扒 - 上碟上得好靚，黑底加上幾種顏色既蔬菜，上面有少少炸蒜粒，加埋個蘑菇黑椒汁，好全面既一個main course! 塊扒好大下，不過有一邊薄啲既就有啲乾同偏熟，但係！主要嗰邊既扒係真係半生熟，好juicy好香肉味！就咁食好有燒牛既香，而點個黑椒汁就提味，兩樣都好食。配菜中個薯仔最出色，粉粉地但個面又煎香左，大細適中！西蘭花就有少少咸，不過成個扒整體黎講係高分pass!
卡邦尼意粉個份量好大、兩個人share才剛好！難得佢個汁濃度又係剛好、唔會太杰或太水，剛好畀意粉提到個汁！入面都有好多煙肉、蘑菇粒同少量洋蔥，比例好好，意粉口感一流。好驚喜一個街坊西餐小店都做到咁既水準。
最後個餐係包埋甜品，基本就係栗子蛋糕，我就唔太食甜品，所以佢揀唔到嗰啲二人份既黎食🤷🏼♂咁佢就揀左轉食千層芒果蛋糕。上碟時好精美，芒果味好香，我就略厭層數有啲少😂不過女友滿意就得啦！佢食蛋糕我就食哂伴碟生果，都好滿足呢餐咁豐富得呢都係350，抵食同有驚喜。
張貼
