慶記 (已結業)

平民的美食是最美好的，大角嘴真係有好多好好野食架！！我就係好鐘意慶記嘅菜式。口水雞卷$34好好食呀，雞卷超嫩，醬汁超超麻，只係中辣。我好鐘意好麻嘅食物，$34蚊8件，性價比高！！紅油抄手一樣咁好食嘅醬汁，紅油又麻又辣又香口，加埋蔥花，非常好食！抄手皮薄滑滑，多餡，餡鮮弹牙！菜飯好特別，有別於一般菜飯，好香味道足，香酥排骨，香脆，無論配飯配麵都唔錯！！湯麵朋友叫嘅！平民晚餐就係咁簡單，兩個人咁就食飽飽！