農民泰菜 (已結業)

今日有朋自遠方來，又係一個唔知食咩好於是嗌泰國野既日子。呢間泰國野已經成為我去親沙田既飯堂。平價抵食一定食得飽不在話下，仲要款款餸菜都惹味又足料。 極級推薦既係個生菜包，我次次都會叫既餸，啲肉碎有淨用黎送飯都好正。搵日開放番堂食好想去幫佢啲野食影番啲靚相post上黎，而家唯有文字描述住先啦。 菠蘿炒飯拎到番去食仲係熱辣辣，一打開飯盒就香噴噴既菠蘿甜味。個飯炒出黎七彩顏色得黎，調味又唔重口冇味精，唔怕比小朋友食，佢地都食到lamlam脷。