漁民麵館 (已結業)

琴日夜左放工，行去路德圍找野食，見到呢間漁民麵館，之前無食過，所以入去試下。餐廳環境係中式設計，張櫈有少少細，pat pat大啲都會唔夠坐😂。咁坐低睇餐牌，見到主要係食花膠為主，價錢都係$30-50左右，唔算太貴，就食到花膠，都幾吸引～夜收工係應該補下～我地叫左個花膠湯麵同花膠雞絲翅（碗仔翅）。個麵個花膠幾大舊～仲有大大粒冬菇，$38黎講都算抵食。個翅就普通啲，花膠好似薄弱啲咁，同有啲大碗，食到尾有啲膩。