泰哥餐廳

營業中

休息中

去完動物診所攞貓糧之後發現太子果邊好多茶餐廳，眼花繚亂之下比呢間嘅大招牌吸引到。行埋睇到個餐牌又唔貴wor，於是就坐左入去食。叫了個邪惡西多拼雞翼，因為早餐飲左奶茶為左唔生腎者之石所以叫紅豆冰。紅豆冰先上，雖然叫左少冰不過都唔少。不過紅豆都好多，粒粒都幾飽滿，飲落亦有奶味同紅豆味，放過佢啦。坐低即刻有杯熱茶，睇到店員即刻喺熱水機斟出黎。餐具係櫃桶式，係地道嘅街坊茶餐廳形式。西多+雞翼。雖然份量不算多但炸得好香脆。西多鬆軟，表皮乾爽，糖漿同牛油份量剛好，唔會甜到苦。雞翼外皮有點乾。咬開都有一點肉汁，而且有香茅味，是醃過的。質素大約比薩X亞高幾個%。飲埋紅豆冰埋單32蚊，便宜，連鎖餐廳以外的好選擇，亦比那些掛名什麼什麼冰室把平民食品當成國際佳淆賣到超貴的好多了。希望街坊生意能保持水準。