百份百餐廳 (愛民廣場)

營業中

休息中

星期六去何文田體育館做運動， 做運動之前要食飽飽。嚟到呢間百分百餐廳叫咗個蕃茄湯小雲耳野菌嫩雞泡法， 希望食得清淡啲唔好咁油膩咁肥。佢個飯上枱嚇親我， 我冇諗過佢個泡飯咁大碗， 好驚食唔曬 , 而且裏面都幾多料。 除咗有蕃茄之外， 有小雲耳、野菌、雞肉仲有我好鍾意食嘅芹菜。其實佢個鮮茄湯都幾香, 茄味都幾濃，咁多種配料裏面，我覺得個野菌最好味，佢本身應該係用咗乾野菌嚟煮，乾野菌同新鮮野菌嘅分別就係乾野菌仲會多咗浸濃烈嘅香，用嚟煮餸炒餸就 最啱。雖然呢個係泡飯，但都依然食到乾野菌嗰種香味，雞肉都算大件嘅，至少唔係畀雞肉碎你，但略嫌呢個鮮茄湯底鹹咗少少， 本身真係想食得清淡啲先嗌泡飯， 點知個湯濃味咗少少，食完真係好想飲水。