百份百餐廳 (愛民廣場)

營業中

休息中

今日去咗百份百餐廳試咗佢哋嘅薑蔥雞飯，值得同大家分享。首先講下雞肉部分。雞肉煮得啱啱好，肉質嫩滑，唔會太乾。每啖都充滿雞肉嘅鮮味，𠵱家啲雞好似特別入味，應該係醃製過程做得唔錯。配合埋薑蔥嘅香氣，真係正。飯方面亦都要讚下。用嘅係香米飯，煮得粒粒分明，冇過生亦冇過熟。總括嚟講，呢個薑蔥雞飯係值得推薦嘅選擇，無論係雞肉嘅質素定係飯嘅香氣，都令人食完一次就想再嚟。我會考慮再嚟試其他菜式，希望同樣有驚喜。如果你仲未試過，不妨去試下，應該唔會令你失望。

淨係一杯凍奶茶，每次都唔同味，試過幾次唔記得落糖（真係好幾次冇落糖），最攪笑同佢講，比啲糖槳我自己加，佢竟然比西多嘅糖膠我，真無語，一啲做飲食嘅sens都冇,一係無端端就勁甜，同侍應佢講，佢仲話我，下次要叫小甜嘛，我就同佢講，吓，我日日來食都唔使叫小甜喎，唉～出品唔得，侍應態度唔得。

趕時間千祈唔好食，公司放飯時間一個鐘已經特登用app叫定到店自取最後都要半粒鐘先拎到個飯同杯野飲，店員都有問題未拎得就起app禁可取餐，客去到又話未整好！？好好玩咩？ok等等下個app顯示已完成！下做咩膠，我未拎到個飯wo!於是上前去佢包外賣個位睇下發生咩事啦，跟住店員A：唔好企起度，依度唔企得。我就問我未拎到個飯就顯示完成左wo！係咪搞錯左，唔食啦可唔可以取消丫？疑似阿姐：冇得取消個wo,講完起度玩手機跟住同包外賣個位講：慢慢丫！ 最後經過左半個鐘我終於拎到個飯，由於我趕時間都那那林就走左，冇再媽佢。其實都唔應該話佢，講多句都點醒益左佢。唔怪之得，新聞話香港飲食業生意差，你咁既出餐時間加服務態度，仲要我洗錢買難受，冇可能啦多謝哂丫，愛民百份百餐廳，我以後放lunch難諗食咩果時，就少左個選擇啦返到公司上網搜尋下間野d黑歷史，一搜就精采囉咩「百份百劣食」，亞洲國際餐飲集團，原來一早就臭名昭著!久仰久仰！

咁啱今日喺愛民返工，選擇食下百分百，因為已經好耐冇食。以前大多數都係夜晚去百分百食小菜，一般都係叫蔬菜為主。今日叫咗個蔬菜魚柳豆腐，起初我覺得味道係唔錯嘅，都幾入味，但後來就覺得太鹹啦。又好多汁，白飯後來變曬咖啡色。其實魚柳幾好食嘅，口感唔錯，但味道重。熱奶茶唔錯～btw 大家如果食嘅話，記得叫杯凍飲。

尼個愛民邨周圍無咩好食，所以尼間嘢可以叫做可以選擇既餐廳，到現時仍可屹立不倒，中午飯市坐無虛設，開業超過五年…..因工作關係所以每星期都會去幫襯至少一次，食物質素經常出現不穩定情況，有時食佢既星洲炒米，可以算係好有鑊氣！好大蝶，同周邊餐廳比較算係好食😋⋯⋯今日就完全唔掂，細碟都算，無鑊氣，應該係叫星洲撈米囉，總之叫做難食首選。仲要賣成$61蚊！簡直係失望😞不過响無選擇既情況下，都要選擇。😎😞

入夜既愛民係美食既沙漠 有嘅選擇唔多 為左搞泊車優惠 最終落腳於百份百😅揀左個160蚊既 <燉湯二人晚餐>蒜香雞呢個雞俾65分啦 幾香既的確 炸蒜幾好 脆身唔苦 送飯一流🙃 個雞可以啦 皮脆 入味既 旦肉就鞋口左少少咸蛋黃粉絲蝦煲啦 呢個最多只可以叫做粉絲蝦煲 咸蛋黄呢個元素呢 係食唔出既完全😑 以普通粉絲蝦煲既層面呢 係正常出品黎 不過不失啦🤣 啲蝦都叫做爽口既原盅燉湯係雪梨瘦肉菌湯 清甜嘅 都多菌類同瘦肉既 但就唔係嗰種飲完會好清潤好滿足感覺既湯🤔茶走呢一杯茶走係是日MVP 茶味香 唔苦 入口順滑 飲落口喉會俾人舒服既感覺

上次叫外賣晚餐等了超過30分鐘，諗住午餐應該唔會要等。點知都係要等。比預定時間等多差唔多20分鐘。經過2次外賣唔準時，我都應該唔會再去叫外賣。xyzxyzxyz

有圖有真相，星期一中午時間，呢一刻等左40分鐘仲未有，收銀員只叫在門口等，等到30分鐘再問，先入廚房催，最後足足要45分先有得拎，如果各位lunch time只有一個鐘就自己諗諗，食物味道是其次，浪費自己午飯私人時間先係最重要

經常食呢間野，作為連鎖餐廳食物質素唔會有咩期，但其他野可以搞返好啲，例如衛生情況，成日塊抺枱布都有陣味；萬年餐牌出期不變；食物選擇好似好多，但黎黎去去只係街邊茶餐廳會出開嘅碟頭同炒野咁共冶一爐，最離譜嘅係最近為咗慳成本，竟然將凍檸茶嘅檸檬片轉做檸檬醬，聲稱一樣新鮮，鮮鬼咩啲味道唔同晒仲有陣苦澀味，連平時唯一比較可取嘅凍檸茶都無埋要叫其他野飲。最緊要係，啲職員態度又「好」，想享受食餐飯連氣吞可以一試。

百分百餐廳已開了好多間， 我最近都會去食早餐， 但下午做少啲的， 今天3:00 pm 有時間到了百分百餐廳了！ 下午茶$33 有不同粉麵可供選擇而送飲品的， 美味平價之選一定是它了

我個人覺得如果想吃比較平價但不失好味而坐低慢慢食慢慢傾吓偈的餐廳， 我會選擇一間親民啲的茶餐廳： 百分百餐廳！ 我和朋友一起到這餐廳享用了早餐， 我點的早餐有野菌炒蛋，通粉配咖啡，好味呀

嗌外賣自取次次都執漏野比我，問收銀係咪齊又話齊哂，翻到去先打比我話漏左杯野飲，頭先又唔講，無論廚房同侍應都發緊夢咁，落錯單同漏單係常有嘅事。本身價錢又唔係特別平，唔想忍受呢種劣質服務同態度，完全唔推薦。

本身成日行經今日諗住特登試吓 點知就中伏...啲嘢難食不特止服務仲要差... 晏晝喺呢度叫咗個茶餐海南雞而家夜晚10點幾仲係屋企屙緊啲夥計仲要我個Sai面喺度串啲客永不錄用完。

點解話依一間餐廳水準飄忽不定呢因為早餐午餐下午茶晚餐都試過每一次都有好同唔好嘅地方今次下午餐就唔錯既奶茶咖啡都沖得唔錯西多士 薯條都熱辣辣份量都好多，下午茶價錢又平，雞髀雞翼外皮好脆口但就嫌多油佐d同埋炸得好似耐佐少少肉質鞋身佐之前食過晚餐，水準就好一般 炒菜係過熟到唔爽口 好似焗熱湯好似溝水甘所以話而間野好飄 另外人手永遠唔夠人甘落個單等到頸都長

呢間嘢 煮嘅嘢 越嚟越差, 不過近我朋友, 所以都不時去食下。不過真係估唔到 差到我要出post 喺openrice。我叫咗個蒜蓉 蝦球西蘭花， 請睇相片， 個餸嚟咗之後 食咗幾嚿我真係食唔落， 淡而無味 好似畀病人食嗰啲， 我朋友試完都話估唔到依家 個廚房差到咁。 我唔想嘥嘢， 唯有外賣 打包返屋企再煮過 睇下救唔救得返。另外佢啲燉湯 流過流金水， 同太興比， 先知乜嘢 係天堂同地獄嘅分別。總之 唔係迫不得意唔會再去呢間嘢， 真得人驚