影片
更多
2021-08-12
685 瀏覽
土瓜灣其實都有幾間車仔麵店，要揀最喜歡的話，極滋美食階一定係我首位，這間車仔麵餸的選擇極多，價錢方面亦都非常經濟實惠，真正的抵食夾大件。醬汁的選擇也不少，當中沙嗲汁、蒜茸辣椒汁同麻辣汁最推介，麻辣汁更加係我的至愛，我覺得好食過其他米線舖既麻辣湯底，唔太搶喉，辣度剛剛好，唔會話辣到食得好辛苦個隻，非常適合我這些又喜歡食辣，但又唔食得太辣既人士。必食餸推介牛根腩 – 好多牛根，煮到好淋，好好食。福建炸醋骨 – 平時車仔麵檔好少有呢款餸，好有特色，而呢個亦煮到即使淋左湯入去都仲係食到有點點脆口感，勁推介。豬大腸 – 都係必叫既餸之一，滷到好入味。酸齋 – 酸度剛剛好，係本人必食之選。炸燒賣 – 這個係會另上，唔會放入湯裡，可以當作一碟小食。龍蝦沙拉丸 – 唔知點解佢地既龍蝦沙拉丸特別好食，唔知邊到入貨既呢。黑椒雞扒 – 好大件，好飽肚。其他既餸都非常唔錯，每次揀餸都有選擇困難症，但麵食類就必選米線，食咁多次都未試失手，D姐姐煮米線既功力一流。3餸1麵的話飲品要另外加錢，選4餸1麵最著數，因為包埋飲品，大家去到睇下邊個Choice適合自己啦。平民食堂，唔好期待個環境會有幾乾淨，又或者有幾好坐，
必食餸推介
牛根腩 – 好多牛根，煮到好淋，好好食。
福建炸醋骨 – 平時車仔麵檔好少有呢款餸，好有特色，而呢個亦煮到即使淋左湯入去都仲係食到有點點脆口感，勁推介。
豬大腸 – 都係必叫既餸之一，滷到好入味。
酸齋 – 酸度剛剛好，係本人必食之選。
炸燒賣 – 這個係會另上，唔會放入湯裡，可以當作一碟小食。
龍蝦沙拉丸 – 唔知點解佢地既龍蝦沙拉丸特別好食，唔知邊到入貨既呢。
黑椒雞扒 – 好大件，好飽肚。
其他既餸都非常唔錯，每次揀餸都有選擇困難症，但麵食類就必選米線，食咁多次都未試失手，D姐姐煮米線既功力一流。3餸1麵的話飲品要另外加錢，選4餸1麵最著數，因為包埋飲品，大家去到睇下邊個Choice適合自己啦。
平民食堂，唔好期待個環境會有幾乾淨，又或者有幾好坐，同有幾優良既服務態度，唔太差，d食物質素又唔錯已經值得推介。
張貼
