四喜麵包西餅 (已結業)

一直都想嚟四喜買佢D蛋批，一嚟自己係撻批愛好者，二嚟呢度嘅蛋批款式夠特別、選擇又多，啱哂中意FUSION野嘅我三文魚芫茜蛋批 $30自己係芫茜會會員，見到呢款批，一早心心眼!!🙊面頭有少少焦香芝士，內裡有超多芫茜，可謂啖啖茜😅，所以芫茜味好濃，蛋味偏弱，無芫茜同三文魚嘅地方先有蛋味(呢D位置唔多)。三文魚份量點到即止；整體鹹度適中。 法蘭克福腸咖喱蛋批 $28材料仲有洋蔥、粟米粒、車厘茄，口感最豐富，不過最無蛋味，因為咖喱太嗆味，整體似咖喱批多過蛋批🤔。明太子沙樂美腸蛋批 $38呢個最貴，但我覺得最好味😋，最能夠食到蛋香。明太子同蛋本身就好夾，加埋好薄嘅沙樂美腸，整體味道唔錯，不過兩樣材料有鹹度，所以鹹少少，但可以接受。中心位嘅蛋幾滑。三款蛋批我都用氣炸焗翻熱，氣炸果陣全屋都聞到好香嘅牛油味；外層酥皮回復酥脆，不過批底已經濕哂，返魂乏術。另外買左條芋泥肉鬆吐司 $28條麵包幾重手，賣相好似好多料。不過，切開後有少少失望😶，明白嘅，芋泥咁重一定沉底，但如果加番多D肉鬆喺包中心，味道應該會更好。