紅米 (已結業)

今日天氣非常好，係慈雲山做完運動去食堆個靚晚飯，今次就揀左Red Rice食。雖然早食飯（6點9左右），但都有唔少人係餐廳，好彩一個人都易搵位....坐低後，當然睇menu(又忘粥影相）。有咖哩飯、蛋包飯、鐵板餐等等...因為好肚餓，所以揀左個鐵板西冷扒7成熟食，跟白湯，飲凍奶茶。白湯就正路野冇咩特別，凍奶茶就有點失色（可能d冰溶左？有點溝了水的味道）不過個扒不錯，唔會太膠，又做到7成...咬落淋淋地幾入味...可以再試...成個餐唔駛$90，算是平民扒餐，都抵食...食完好飽。