影片
更多
2017-05-16
106 瀏覽
今晚又同男朋友撐枱腳！突然好想食德國咸豬手，於是發現左長沙灣依間估唔到有咁多選擇，真係心大心細揀唔落手，最後揀左豪華二人套餐($398)超抵食仲有我想食嘅咸豬手！！！餐湯方面得一款揀，今晚係蕃茄雜菜湯湯料都豐富有洋蔥、椰菜、西芹，酸酸地好開胃。蒜蓉包依個係我目前食過最好味嘅蒜蓉包！依家睇到相都想再去食。真係無誇張，熱辣辣超鬆軟嘅法包，上面搽滿牛油同蒜蓉，好香好好味呀8安士澳洲頂級和牛肉眼配薯菜肉眼扒偏薄身，大過一隻手掌。五成熟嘅肉眼扒煎到表面深啡，中間粉紅，切開無血水滲出。肉質鮮嫩多汁，咬落一啲都唔韌，仲好有牛味好juicy呀！熱辣辣嘅薯條炸到外脆內軟，比快餐店嘅薯條更好食，令人一口接一口食唔停。配菜方面，除左有新鮮沙律菜，仲有煎香過嘅露筍、茄子同翠肉瓜。間中食下配菜可以中和一下油膩感。另外醬汁有3款選擇: 燒汁、蒜蓉同黑椒汁。招牌德國咸豬手配蜜糖芥末汁(半隻)每次去餐廳見到有德國咸豬手都必叫一份。原來半隻咸豬手都好大份好多肉。豬手外皮炸到好脆卜卜，裡面嘅肉比較軟腍而且非常入味，皮同肉之間有層肥膏，食落一啲都唔肥膩，反而膠質好豐富。酸椰菜酸味適中可以中和豬手既油膩感，可惜份量不足，如果
估唔到有咁多選擇，真係心大心細揀唔落手，最後揀左豪華二人套餐($398)超抵食仲有我想食嘅咸豬手！！！
餐湯
3 瀏覽
0 讚好
0 留言
餐湯方面得一款揀，今晚係蕃茄雜菜湯
湯料都豐富有洋蔥、椰菜、西芹，酸酸地好開胃。
蒜蓉包
12 瀏覽
0 讚好
0 留言
蒜蓉包
依個係我目前食過最好味嘅蒜蓉包！依家睇到相都想再去食。真係無誇張，熱辣辣超鬆軟嘅法包，上面搽滿牛油同蒜蓉，好香好好味呀
8安士澳洲頂級和牛肉眼配薯菜
9 瀏覽
0 讚好
0 留言
8安士澳洲頂級和牛肉眼配薯菜
肉眼扒偏薄身，大過一隻手掌。五成熟嘅肉眼扒煎到表面深啡，中間粉紅，切開無血水滲出。肉質鮮嫩多汁，咬落一啲都唔韌，仲好有牛味好juicy呀！
熱辣辣嘅薯條炸到外脆內軟，比快餐店嘅薯條更好食，令人一口接一口食唔停。
配菜方面，除左有新鮮沙律菜，仲有煎香過嘅露筍、茄子同翠肉瓜。間中食下配菜可以中和一下油膩感。
另外醬汁有3款選擇: 燒汁、蒜蓉同黑椒汁。
招牌德國咸豬手配蜜糖芥末汁(半隻)
2 瀏覽
0 讚好
0 留言
招牌德國咸豬手配蜜糖芥末汁(半隻)
每次去餐廳見到有德國咸豬手都必叫一份。
原來半隻咸豬手都好大份好多肉。豬手外皮炸到好脆卜卜，裡面嘅肉比較軟腍而且非常入味，皮同肉之間有層肥膏，食落一啲都唔肥膩，反而膠質好豐富。酸椰菜酸味適中可以中和豬手既油膩感，可惜份量不足，如果再多啲就perfect啦。另外蜜糖芥末汁好好味，我連薯條都有點蜜糖芥末汁
二人小食拼盤
7 瀏覽
0 讚好
0 留言
二人小食拼盤
包括有雞翼2隻，春卷2條，2塊炸魚及薯條。
春卷同炸魚都普普通通，薯條同上面講嘅一樣咁好味。特別一講係雞翼，雞翼炸到外皮焦脆，肉質嫩滑，已經調味所以唔洗點醬都夠味。記得趁熱食！
除左二人餐，仲有好多選擇，生蠔、Pizza、意粉、焗飯等等。
張貼
