豬仔糖水 (已結業)

話說男人黎接小妹收工，難得話帶小妹去食糖水，梗係話好啦，於是乎男人建議去土瓜灣呢間豬仔糖水，其實呢間野有經過開，不過成日覺得佢開喺地舖唔方平啦，搭車又唔及旺角方便，不過男人話呢度方便泊車，都可以一試大大隻豬仔，唔會認錯入到去唔使等位，睇下有咩好食咦，原來唔算貴喎，相比旺角仲平啲添！即刻叫左個芒果小丸子豆腐花食，一次過滿足三樣味道！賣相唔錯，粒粒小丸子好煙韌有咬囗，小丸子本身無咩味道，配合香濃芒果汁，芒果汁嘅酸甜混合小丸子，變成有咬囗嘅芒果小丸子個底係香滑豆腐花，豆腐花嘅滑加上小丸子嘅咬囗配上酸甜芒果汁，仲有新鮮香甜芒果肉，都只係25蚊，又真係食得過喎！不過環境就有待改善，冷氣機滴水，雖然無滴到小妹，不過外觀上就爭左小小，但淨係講食物就ok嘅！男人叫嘅涼粉芒果汁底加花奶，由於唔岩小妹囗味，無試，但男人就好欣賞