藤 (已結業)

🍴 寿司8貫 ($328) ⭐️⭐️⭐️⭐️💫師傅根據唔同嘅季節安排唔同嘅壽司款式，師傅逐舊喺你面前製作。全部都係新鮮咁切出嚟，再擺喺呢個咁特別嘅壽司層架上面，賣相既獨特又吸睛。之後師傅就逐一介紹，同埋食壽司嘅先後次序，由淡味到濃味，再到甜品。壽司包括左帶子、甜蝦、池魚、深池魚、拖羅、海膽同八爪魚等。魚生食落幾新鮮，而且係非常之厚切，遮住咗大部份嘅飯，唔洗擔心食飯食飽！帶子好好味，鮮甜得黎啖啖肉，甜蝦肥美又新鮮，拖羅唔韌又冇筋，海膽都唔腥。到於甜品水信玄餅真心好靚，配上黑糖糖漿，甜甜地入口即溶好好味！最後飲埋好濃郁嘅野菜豆乳湯，完美！🍴 藤の特上壽司盛合 ($228) + 三文魚腩刺身 三切 ($88) ⭐️⭐️⭐️⭐️壽司盛合有埋麵豉湯，連同6大舊魚生，都一樣好新鮮好厚切，值得一試！仲有唔好錯過三文魚腩刺身，唔單止好肥美，亦都可以欣賞埋師傅嘅刀工！🍴 櫻花蝦烏冬+日式炸雞+吉列生蠔+鰻魚青瓜反卷 ($98) ⭐️⭐️⭐️⭐️烏冬配上大量櫻花蝦，仲有大大舊新鮮炸嘅炸雞同吉列蠔，外脆內軟，火喉啱啱好。個反卷亦都做得好成功，夾起食都冇散開，鰻魚同青瓜嘅比例都好好。.........................