魚眾不同酸菜魚 (君譽峰)

營業中

休息中

中午係北角搵食真係大把選擇，呢間係其中一間要排隊等位。餐廳其實都唔算細，裝修幾新淨，入到嚟絕對唔似小店。雖然主打酸菜魚，不過中午得一個鐘頭lunch，計埋來回，食酸菜魚又好似趕頭趕命，都係酸菜魚米線適合啲。老壇酸菜魚紅薯粉 $78酸菜魚米線一啲都唔單調，由主題，湯底，配菜同米線/飯都有得揀，配搭勁豐富，揀到岩心水為止。酸菜魚紅薯粉，揀金菇同娃娃菜吸晒酸菜魚湯味。酸味少辣，魚肉爽口又多，另加牛丸，爆汁彈牙。紅薯粉幼身似粉絲，口感煙韌。花膠濃湯雞煲 $80以為入嚟淨係食酸菜魚米線，其實花膠雞煲米線都有驚喜，其受歡迎程度同酸菜魚米線不相伯仲。金黃色的湯有勁大片花膠同雞件，花膠雞湯既香濃又鮮甜，配米線一邊食一邊飲湯，好享受。