Kim's Spoon (MegaBox) (已結業)

今日去到MegaBox，想食韓國野就搵到呢間Kim's Spoon。雖然係連鎖店，但佢既質素都有保證。餐前小食有放係枱面任你夾既韓國泡菜，俾你一邊傾一邊食，細心之舉。今次點左韓國魚餅同埋石頭鍋飯，兩樣野都充滿韓國特色。韓國魚餅煎得好香，金黃色既表面令人垂涎三尺，食落去小小酸味，幾有特色。石頭鍋飯則保持韓國傳統所用既材料，撈勻後即刻擺入口，熱辣辣差啲辣到個口。總體來講都幾平均，韓式食品應有盡有，但冇咩令人驚喜既地方。