華香雞 (已結業)

觀塘人多工廠多，有時想搵個位食下飯都難，經過見到大大個招牌食華香雞，見有位就貢入去食晚飯啦～好大塊中式牌匾，大大隻華香雞字樣，好有中國氣息！餐廳佔地頗大，位置非常多，仲有幾間包廂，可以一大班人一齊食～每樣餸都用蒸籠裝住，非常中式既感覺！古色古香既餐具，公雞餐具真係好有兒時既回憶！華香雞招牌 —— 華香雞（半隻）華香雞既表面油脂充沛，半隻份量頗多！雞肉唔老，肉同皮既分佈平均，剛好熟既雞肉仲會有少少流血。附帶有三個醬汁可以沾，蔥油、沙薑、辣豆瓣醬，不同風味任你選～金銀蛋白菜仔金銀蛋分量不少，白菜仔青綠色，味道一般用蒸籠裝住非常有特色！另一款菜式：甜梅菜嫩菜心梅菜分量多，送飯一流！菜心普通，平民價錢既質量算係咁！椒鹽炸虎蝦炸蒜配上少許辣粉非常香口，熱辣辣上枱！虎蝦亦大隻，肉質鮮美，亦爽口！食完虎蝦已經飽，分量不少，係平民一流既飯堂！