沙嗲王 (已結業)

我是沙嗲王忠粉，尤其是在銅鑼灣，大多食店都貴夾唔飽，通常我會去沙嗲王解決我的晚飯。今次來發現有二人晚餐，都幾抵食，計落和散叫其實又差不多，但懶人懶得從十多頁的menu揀就選晚餐吧。 頭盤有薯仔沙律，內有少許黑胡椒，味道不錯的。 小食選了蝦春卷，還可以啦，不算有驚喜。 主菜我們要了蟹粉豆腐石窩，配薄餅，好好味，食到一滴不剩，份量超大，保証食得飽。 另一款主菜要沙嗲王名菜白咖喱香茅豬扒，忘了拍照，白咖哩汁依然好味，但今天豬扒失水準，完全沒有香茅味，有點失望。 飲品我要了朱古力沙冰，餐牌寫了是特濃，但我覺得是特甜，不過一向沙嗲王的飲品給我的印象都是麻麻地，一下子忘了點少甜就出事了。