閨•家 (寶榮大廈) (已結業)

閨•家 (寶榮大廈) (北角).香港人工作繁忙，餐餐都食外賣出面食，而呢一間就係主打家嘅味道，最欣賞係佢嘅湯係真係好飲而唔係出面例湯嘅味道.麻辣口水雞菠菜麵- 呢個口水雞嘅味道不過不失，雞都算多，但係佢同雞腎個醬汁好似係同一個，反而有特色小小嘅係佢嘅波菜麵冇人造色素，你用本身蔬果嘅顏色去做唔同健康嘅麵，另外仲有橙色嘅甘筍麵同埋紫色嘅紫薯麵.煎豬扒蓮藕餅煎蛋飯-呢個女朋友吃得津津有味，佢係一個極喜歡食呢類型飯的人，除咗有蔥油，佢更加又唔肯定係咪自家條配嘅鹹酸菜，另外佢仲額外加咗隻蛋，成個飯不論顏色定味道都非常好👍🏻.涼拌海蜇手撕雞-呢個個人覺得太多麻醬，如果少返少少成個味道會冇咁漏同埋清爽啲，不過都係好食嘅！手撕雞冰涼，再配埋爽口嘅海蜇係冇得輸嘅前菜.麻辣雞腎- 呢個雞腎比起我之前食大份左好多，雞腎都好爽口