更多
2022-08-02
1859 瀏覽
經過見到排長龍被吸引咗,原來係特價時段$48原隻烤雞,好多人買外賣返屋企加餸,於是就決定坐低試吓~我哋叫咗:✿無骨海南雞飯(跟例湯) $48估唔到呢個平價海南雞竟然有驚喜,真係雞有雞味,無骨啖啖肉最啱懶人🤗️加埋特製醬汁(炸蒜蔥油等)別有風味,鍾意傳統可以配返薑蓉,旁邊嘅醃青瓜&蘿蔔又能夠解膩。例湯都有誠意,唔係味精水,係紫菜蘿蔔粒雞湯,飲落清甜可口😌✿皇牌烤雞餐(半隻) $50烤雞餐都抵食,醬汁有 (牛肝菌汁 / 咖喱汁 / 麻辣汁)可選,仲可以選兩款配菜(雞油飯 / 烤雜菜 / 焗薯),今次試咗牛肝菌汁+烤雜菜+焗薯。烤雞半隻份量都多,但肉質偏淋🥲牛肝菌汁冇乜味,啲汁本身已經淋咗上面,令烤雞變得好濕,建議汁另上會好啲。最好食係啲配菜:焗薯一啖一舊,焗得好香口,有種韓國街頭小食嘅感覺~烤雜菜落咗啲類似孜然粉嘅調味料,食落又係好香,好快清晒😋✿檸檬洛神花冷泡茶 (跟餐)✿手工檸檬茶(加配$12)烤雞餐可以免費跟冷泡茶,正😋檸檬洛神花酸甜開胃。加錢配手工檸檬茶,飲得出有分別,好好飲好有檸味,兩款飲品都非常解渴👍價錢十分相宜,質素都唔算差,$50就搞掂晚餐又抵食又方便,啱晒快食/糧尾人士😆堂
我哋叫咗:
✿無骨海南雞飯(跟例湯) $48
估唔到呢個平價海南雞竟然有驚喜,真係雞有雞味,無骨啖啖肉最啱懶人🤗️加埋特製醬汁(炸蒜蔥油等)別有風味,鍾意傳統可以配返薑蓉,旁邊嘅醃青瓜&蘿蔔又能夠解膩。例湯都有誠意,唔係味精水,係紫菜蘿蔔粒雞湯,飲落清甜可口😌
$48
191 瀏覽
1 讚好
0 留言
✿皇牌烤雞餐(半隻) $50
烤雞餐都抵食,醬汁有 (牛肝菌汁 / 咖喱汁 / 麻辣汁)可選,仲可以選兩款配菜(雞油飯 / 烤雜菜 / 焗薯),今次試咗牛肝菌汁+烤雜菜+焗薯。烤雞半隻份量都多,但肉質偏淋🥲牛肝菌汁冇乜味,啲汁本身已經淋咗上面,令烤雞變得好濕,建議汁另上會好啲。最好食係啲配菜:焗薯一啖一舊,焗得好香口,有種韓國街頭小食嘅感覺~烤雜菜落咗啲類似孜然粉嘅調味料,食落又係好香,好快清晒😋
$50
305 瀏覽
1 讚好
0 留言
✿檸檬洛神花冷泡茶 (跟餐)
✿手工檸檬茶(加配$12)
烤雞餐可以免費跟冷泡茶,正😋檸檬洛神花酸甜開胃。加錢配手工檸檬茶,飲得出有分別,好好飲好有檸味,兩款飲品都非常解渴👍
$12
204 瀏覽
0 讚好
0 留言
價錢十分相宜,質素都唔算差,$50就搞掂晚餐又抵食又方便,啱晒快食/糧尾人士😆
堂食嘅人較少(多數外賣),所以環境較清靜闊落,唔洗等位,不過座位相對無咁舒適。
餐廳係自助形式,自助點餐、取餐、搵位,食完自己放回餐盤,不適合追求服務人士。
張貼