紅米 (六合街)

營業中

休息中

蛋包飯係香港選擇越嚟越多，貴有貴食，平有平食，今次去左新蒲崗嘅紅米，主打平民價既蛋包飯，食物選擇都多元化。茶餐廳嚟講環境嘅乾淨，上菜速度非常快👍🏻- XO豬扒鐵板炒公仔麵炒公仔麵係我係茶餐廳經常叫既食物，鐵板上菜令食物保持熱辣辣，公仔麵軟硬程度適中，不過醬油唔係撈得好均勻。豬扒肉質軟稔，加埋香葱更加色香味俱全。- 板煎雞扒蛋包飯雞扒好大件，同我腳板差唔多長🤣。雞蛋煎得啱啱好，滑溜之外仲有少少流心，蛋入面係蕃茄炒飯，加埋蒜蓉汁食落唔會覺得口寡寡。- 沙嗲雞肉串燒食落非常香口，沙嗲醬可以媲美泰國餐廳👍🏻- 炸雞翼跟餐加$12就有3隻雞翼🤩，外皮幾脆，肉質唔會話好乾。