犇道 (已搬遷) 新店位置

牛牛牛道今日過開來屯門龍門居附近做嘢，就同同事喺呢度食埋午餐，見到呢度有間小店，就咁睇價錢牌真係好經濟實惠，所以就入去試吓啦🧐。我哋嗌左一個滑蛋豬扒飯同埋一個芝士拉絲雞球飯，另外仲有唔同款嘅小食可以加錢揀嘅，我哋就揀咗糖心蛋同埋明太子雞翼。每樣嘢食嘅質素都唔錯，而且性價比好高。值得一讚嘅係嗰個芝士雞，真係拉得出一條條芝士嘅絲，味道都好好食❤。嘢飲方面，我哋就加錢轉左特飲，叫咗一杯柚子梳打同埋一杯有子紅茶，我哋嗌左少甜，果然真係有少甜到👍🏻。最後我哋再叫咗一個千層蛋糕😋😋，叫咗一件兩份share食，完美句號。支持小店！👍🏻