叙滿庭 (已結業)

宜家嘅生活對於我嚟講可以講喺最好嘅～工作喺我自己鐘意嘅，每個月嘅人工都算滿意，最緊要嘅係想食乜都可以滿足到自己，咁樣嘅生活先係人生！行到北角附近見到呢間餐廳，一時興起想食北方菜，於是就入咗去 可能時間尚早，店入面都唔算太多人睇完啲餐牌，呢度真係可以算得上鋪仔細細，但係五臟六腑全部齊全，菜式一應俱全，多到都唔知揀乜好。睇咗吓個餐牌，唔同嘅鍋就已經有好多種啦，最後揀咗個粉皮魚頭鍋、台式皮蛋豆腐同蒜蓉萵筍魚頭鍋原嚟入邊仲有湯汁，湯嘅味道好濃郁，粉皮同湯浸著食超夠味，再加上魚肉嘅鮮甜，用嚟送飯認真一流！皮蛋豆腐嘅汁好濃，同豆腐一齊食一啲都唔覺得膩，皮蛋味道好濃香，正~~而蒜蓉萵筍就煮得爽口夠火喉蒜蓉濃郁爆香，每口咬落都滋味無窮今餐好滿足