卓記

營業中

休息中

想食碗又綿又滑既粥，西環正宗卓記就有。聽聞卓記係西環有一兩間，就好似雲南米線都有譚仔同三哥。叮叮緊係帶我食第一間鋪做起，係熟食街市既粥粥啦。 所有粥都係你叫佢就掉材料，即刻就有得食既生滾粥。豬什粥突然好想食，佢依度會剪碎哂，唔會話成條粉腸比你，但以13蚊黎講，好經濟。 依度既油器都係自助形式，你夾去佢面前計數。門口有個姨姨係度整剪蘿蔔糕，冇乜料但勝在大大舊，都見好多人SHARE一舊食。 至於最失望一定係個炒麵，冇蔥就冇左個香氣。而且佢炒到過左龍，老抽唔上色、味道亦唔夠。之不過由於冇得睇住佢既炒麵賣相而決定食唔食，都係膽博膽。但我就唔會有下次喇。 總括而言，粥底既幼滑係值得一試，雖然其他野食一般，但係以依個價錢、有冷氣既街市，食到舊時既粥都叫係值回票價。就好似我同叮叮咁，無論食好食差，都只係配襯。最重要係大家食得開心。