聚點坊點心專門店 (已搬遷) 新店位置

從來都冇係openrice 寫食評，但今次不得不寫。今日午餐時段係聚點坊同友人食午餐。第一次食，所以都有所期待。點知去到叫咗4樣點心，其中包括鳳爪。食到七七八八，我已經食咗2隻鳳爪，先發現有隻中小型曱甴係碟入面。完全反應唔到，連嘔都嘔唔出，嬲到震。都知道街嘅食市好污糟，諗都冇諗過會完隻曱甴上，欲哭無淚。我哋向店員同老闆投訴，佢哋好似當係平常事咁，話師傅有時都睇唔到，完全沒有道歉。歉意欠奉，最後都淨係扣咗碟鳳爪嘅錢就算。 希望大家可以參考以上內容，再考慮食唔食呢間。