影片
更多
2016-06-11
719 瀏覽
2015年9月13日, 蕪湖街店結業, 以為無得再食, 點知不出半年, 竟然係崇潔街見翻佢, 此鋪最初是做高級法國菜, 店名好似叫 Stanley, 據聞是由此地區一班好食好玩的廠佬夾錢開. So...., 夾份開餐廳, 重要成班人, 執笠?! 是常識吧... 之後, 由韓國菜接手, 唔使講...都知道結果吧... 現在再由一間藥膳清湯腩店接力, 心諗... 如此好嘢, 開鋪於此位置, 確實浪費. 此位置只有一優勢, 就是"平租", 但平租...無人行, 有Q用... 咩...要了全店最貴的一款麵: 清湯蘿蔔三寶撈麵 $80. 三寶, 即: 牛肚、牛腩、牛筋, 份量足, 牛肚是常用的蜂巢肚, 顏色與質感都有水準, 軟而彈牙不韌, 牛腩屬於崩沙腩, 肥瘦位置不太平均, 並非最喜歡的八二比例, 但牛腩肉質尚算不錯, 炆得夠淋. 牛筋切得十分整齊, 條條圓柱狀, 入口咬落, 少少漿口, 但也不失軟滑, 同時也有彈力. 蛋麵應該是入翻來的貨, 水準合格以上, 爽口度只是中等, 彈力夠, 鹼水味低. 反而藥材湯底的味道, 好似有些少變化, 感覺上, 藥材味道輕淡了, 當歸味道不重, 可能為了中午
2015年9月13日, 蕪湖街店結業, 以為無得再食, 點知不出半年, 竟然係崇潔街見翻佢, 此鋪最初是做高級法國菜, 店名好似叫 Stanley, 據聞是由此地區一班好食好玩的廠佬夾錢開. So...., 夾份開餐廳, 重要成班人, 執笠?! 是常識吧... 之後, 由韓國菜接手, 唔使講...都知道結果吧...
現在再由一間藥膳清湯腩店接力, 心諗... 如此好嘢, 開鋪於此位置, 確實浪費. 此位置只有一優勢, 就是"平租", 但平租...無人行, 有Q用... 咩...
要了全店最貴的一款麵: 清湯蘿蔔三寶撈麵 $80. 三寶, 即: 牛肚、牛腩、牛筋, 份量足, 牛肚是常用的蜂巢肚, 顏色與質感都有水準, 軟而彈牙不韌, 牛腩屬於崩沙腩, 肥瘦位置不太平均, 並非最喜歡的八二比例, 但牛腩肉質尚算不錯, 炆得夠淋. 牛筋切得十分整齊, 條條圓柱狀, 入口咬落, 少少漿口, 但也不失軟滑, 同時也有彈力.
蛋麵應該是入翻來的貨, 水準合格以上, 爽口度只是中等, 彈力夠, 鹼水味低. 反而藥材湯底的味道, 好似有些少變化, 感覺上, 藥材味道輕淡了, 當歸味道不重, 可能為了中午上班的消費者口味吧....
另叫的一碟芥爛, 水準中等, 未算太好, 但咬落有根, 比較粗糙. 相信店主也是有心人, 想做好食物, 但在細節上所見, 細心情度還要加點力度...張貼
