影片
更多
2018-10-01
3435 瀏覽
食生日飯,近近哋就揀咗鳳城酒家,印像中上一次嘅食物都唔錯.潮蓮燒鵝王半隻-完全唔知潮蓮係乜嘢意思,燒鵝皮完全唔脆,但係肉質非常鮮嫩而且多汁,醃得好好味,唔會過咸.係一啲唔合格但係好味嘅"燒"鵝.鍋貼大明蝦六隻- 即係蝦多士,賣相比較一般,或者打得耐得滯,乾爭爭,要點咗沙律醬先至比較容易入口.但因為本身唔係濃味嘅嘢,點樣沙律醬之後就會蓋過佢本身嘅味.雙脆什菌安格斯牛肉- 用四季豆同埋雜菌一齊爆炒牛肉,係今餐最滿意嘅一樣餸.今時今日安格斯牛肉已經唔算係非常上等嘅食材,不過今次嘅牛肉的確有幾重嘅肉味,有少少咬口又唔會過韌.雜菌吸咗調味料同埋肉汁又好味.海皇冬茸燴燕窩- 燕窩? 哦,無野喇.下一樣.清蒸龍躉頭腩- 碟頭唔大但係非常鮮味,而且皮夠厚,骨膠原定係乜嘢,果種黏黏地又油膩嘅口感真係非常好.生炒龍躉球- 用西蘭花炒一炒龍躉肉,因為龍躉唔連皮,失色不少.西蘭花都幾好味既,而且份量多,反而顯得龍躉球好少.薑蔥焗肉蟹- 小弟唔食蟹, pass~瑤柱鮮竹浸時蔬- 唔多係莧菜,好似比較少見茶樓用呢一種"時蔬".腐竹好滑而且豆味香濃.但係作為主角嘅莧菜有少少渣.鳳城炒飯- 蝦仁炒飯,聽日食完先知乜嘢
潮蓮燒鵝王半隻-完全唔知潮蓮係乜嘢意思,燒鵝皮完全唔脆,但係肉質非常鮮嫩而且多汁,醃得好好味,唔會過咸.係一啲唔合格但係好味嘅"燒"鵝.
鍋貼大明蝦六隻- 即係蝦多士,賣相比較一般,或者打得耐得滯,乾爭爭,要點咗沙律醬先至比較容易入口.但因為本身唔係濃味嘅嘢,點樣沙律醬之後就會蓋過佢本身嘅味.
雙脆什菌安格斯牛肉- 用四季豆同埋雜菌一齊爆炒牛肉,係今餐最滿意嘅一樣餸.今時今日安格斯牛肉已經唔算係非常上等嘅食材,不過今次嘅牛肉的確有幾重嘅肉味,有少少咬口又唔會過韌.雜菌吸咗調味料同埋肉汁又好味.
海皇冬茸燴燕窩- 燕窩? 哦,無野喇.下一樣.
清蒸龍躉頭腩- 碟頭唔大但係非常鮮味,而且皮夠厚,骨膠原定係乜嘢,果種黏黏地又油膩嘅口感真係非常好.
生炒龍躉球- 用西蘭花炒一炒龍躉肉,因為龍躉唔連皮,失色不少.西蘭花都幾好味既,而且份量多,反而顯得龍躉球好少.
薑蔥焗肉蟹- 小弟唔食蟹, pass~
瑤柱鮮竹浸時蔬- 唔多係莧菜,好似比較少見茶樓用呢一種"時蔬".腐竹好滑而且豆味香濃.但係作為主角嘅莧菜有少少渣.
鳳城炒飯- 蝦仁炒飯,聽日食完先知乜嘢味~
西米布甸- 嚟得鳳城食順德嘢梗係要食西米布甸啦,都幾香滑,甜度都適中,外層嗰塊燶燶哋嘅皮係極品.
手抓乳豬半隻- 雖然知道係半隻乳豬,但係咁樣擺嗰度真係有少少難睇,唔該有冇得執執佢... 乳豬皮薄得有少少奇怪,係就係脆既,但係好似食薯片嘅感覺.
張貼
