薩莉亞意式餐廳 (88廣場) (已結業)

薩莉亞意式餐廳係又平又好食，環境好闊落，無論咩時間去，都唔需要同其他人搭枱，即是你自己一個人食都好。燈光非常充足，令人好舒服。佢平均價格都係介乎＄25至＄35不等，係依家依個通貨膨脹嘅社會當中，佢係非常抵食。唔好以為佢賣得咁平就唔好食，或者係頹飯係伏，其實佢啲意粉可以媲美必勝客。雞翼係我哋必點嘅食物，佢啲雞翼係辣嘅，但辣得來好好味，大家係一定要食嘅，一定要試嘅！燒魷魚又係我哋最鍾意嘅食物，燒魷魚係成隻俾你嘅，都唔使＄30，真係有抵又好食，唔識就走寶啦雞肉長通粉又係我哋成日叫架，佢係新產品嚟嘅，佢用忌廉汁同埋芝士焗嘅，配埋雞肉粒，味道一流，非常惹味！只要加＄12就可以去自助飲品吧，到自己針嘢飲，任針