富臨皇宮

營業中

休息中

宜家夜晚冇得堂食，食肆空空如也，不少食肆都靠外賣維生，個個都減價搶客，呢度做四八折，標榜「平過自己煮！」，至少唔使洗碗都好呀。😂😂落單之後都見到有幾個客人一齊等緊，不過店員話廚房得一兩個師傅，所以大家要耐心等待。菠蘿生炒骨（$42 ），酸酸甜甜送飯一流，生炒骨多肉多汁，幾唔錯。雖然裝唔滿個外賣盒，但係食落覺得份量都OK嘅。北菇海參扣鵝掌煲（$61），鵝掌炆得夠腍同入味，冬菇好大隻，好似平時去飲嗰啲咁，一樣炆得夠腍，個底有好多菜，索晒啲精華，整體都好好味。瑤柱金菇炆伊麵（ $42 ），份量好多，不過拎到返屋企食就焗到腍和濕咗啲，同埋餡料比較少，不過以呢個價錢來講，算係咁啦。