太興 (已搬遷) 新店位置

今日因為要專登落去西灣河街市買我用開o既炆羊肉醬，經過太興，忽然好想食燒味飯。 　太興既雙併飯餐 (飯連例湯或熱飲) 要$54. 單拼餐都要 $51. 價錢一d都唔平。　　佢走ｏ既係個檔茶餐廳路線，而且員工真係個個都好好禮貌。　　所以取價比一般燒臘店貴。　　不過好在佢ｏ既燒臘真係好有水準，令你會耐唔耐心思思想去幫襯佢。今日食左叉油雞雙拼餐，叉燒係用半肥瘦梅頭，入口甘香，個面有層甜甜糖漿，仲好多焦位(今日好菜有叉燒頭)，真係好好味，油雞就保持到水準。例湯係粉葛煲章魚，有好香ｏ既章魚味，ｏ岩晒我口味。　　不過佢ｏ既碟頭偏細，如果平返幾蚊個餐就更合理喇。