影片
更多
2022-09-23
89 瀏覽
早排喺連登有個post問喺鰂魚涌返工有咩好食？有好多人都推薦呢間餐廳，今日終於有機會一試😋💚抗疫價三餸飯 (送金羅漢果茶)$40 堂食三餸飯唔算係全城最抵，但呢度三餸飯嘅質素一定比巿面上絕大部份嘅三餸飯好!! 本來想揀糖醋骨，但我哋七點幾食已經賣哂🥲 最後揀咗美蘭袐製叉燒、酥炸一口骨、韮菜炒蛋。三個餸入面最特別嘅係袐製叉燒，同平時食嘅蜜汁叉燒好唔同，呢個叉燒冇乜汁而且唔係甜嘅，所而係比較乾身，咬落鬆軟但又保持到肉嘅質感，真係食到豬肉味嘅叉燒而唔係淨係得蜜汁味果種，望落比較瘦但食落一啲都唔乾柴，係比較原汁原味嘅type。而送嘅金羅漢果茶都好好飲，有種天然無添加嘅感覺。💚有得揀車仔麵超級推薦佢哋嘅自家製麵條!!!!! 麵條比較粗，中間有個坑位，令到麵條非常掛汁，明明已經食到好飽但都會食唔停😂 車仔麵一樣都係揀咗三個餸，分別係酸菜腩肉、清甜蘿蔔同雲耳豬肉小雲吞，三個餸入邊最鍾意小雲吞，餡料唔算多，但係雲耳同豬肉嘅比例好好，而清甜蘿蔔真係如其名咁清甜，而且好入味。另外佢哋嘅汁都非常唔錯，今次叫咗招牌辣汁小辣加腩汁，但對於平時食開譚仔10小辣嘅我都覺得太辣，建議食嘅時候可以先將辣汁”筆”起再逐少
早排喺連登有個post問喺鰂魚涌返工有咩好食？有好多人都推薦呢間餐廳，今日終於有機會一試😋
💚抗疫價三餸飯 (送金羅漢果茶)$40 堂食三餸飯唔算係全城最抵，但呢度三餸飯嘅質素一定比巿面上絕大部份嘅三餸飯好!! 本來想揀糖醋骨，但我哋七點幾食已經賣哂🥲 最後揀咗美蘭袐製叉燒、酥炸一口骨、韮菜炒蛋。三個餸入面最特別嘅係袐製叉燒，同平時食嘅蜜汁叉燒好唔同，呢個叉燒冇乜汁而且唔係甜嘅，所而係比較乾身，咬落鬆軟但又保持到肉嘅質感，真係食到豬肉味嘅叉燒而唔係淨係得蜜汁味果種，望落比較瘦但食落一啲都唔乾柴，係比較原汁原味嘅type。而送嘅金羅漢果茶都好好飲，有種天然無添加嘅感覺。
💚有得揀車仔麵
超級推薦佢哋嘅自家製麵條!!!!! 麵條比較粗，中間有個坑位，令到麵條非常掛汁，明明已經食到好飽但都會食唔停😂 車仔麵一樣都係揀咗三個餸，分別係酸菜腩肉、清甜蘿蔔同雲耳豬肉小雲吞，三個餸入邊最鍾意小雲吞，餡料唔算多，但係雲耳同豬肉嘅比例好好，而清甜蘿蔔真係如其名咁清甜，而且好入味。另外佢哋嘅汁都非常唔錯，今次叫咗招牌辣汁小辣加腩汁，但對於平時食開譚仔10小辣嘅我都覺得太辣，建議食嘅時候可以先將辣汁”筆”起再逐少加入。
💚趣致四味 (豆乳鹽酥雞、炸雞軟骨、炸雲吞、炸一口排骨)
估唔到呢度連炸物都咁出色!!! 所有嘢即叫即炸，上枱嘅時候仲係熱辣辣，調味同醃料恰到好處，尤其係個炸粉好薄，唔會食到成口粉，但又做到好鬆脆嘅口感。
💚足料鴨肉翅
碗仔翅就成日食，但鴨肉翅就好少見，呢個鴨肉翅非常足料，唔會剩係得水或者木耳，有好多鴨肉，仲有燒鴨皮添!! 口感豐富而且好好味!!
試過一次之後完全明白點解連登咁多人推薦，外賣仲有九折添!!! 啱晒喺附近做嘢嘅打工仔。
味道: 🌕🌕🌕🌕🌖
服務: 🌕🌕🌕🌕🌖
環境: 🌕🌕🌕🌕🌑
價錢: 🌕🌕🌕🌕🌖
－－－－－－－－－－－－
📍 美蘭廚房 (鰂魚涌)
鰂魚涌濱海街20-22號地舖
－－－－－－－－－－－－
#tiufufoodie在鰂魚涌 #hkfood #hkiger #hkfoodie #hkfoodlover #鰂魚涌美食 #hkig #打卡食店 #香港foodie #香港美食 #食好西 #食評 #香港食評 #美食攝影 #相機食先 #週末好去處 #拍拖好去處 #區區搵食 #雙餸飯 #三餸飯
張貼
