蚊蚊豬老火鍋 (已結業)

今日同朋友黎左深水埗新開既任食火鍋，呢間火鍋係太子都有分店，不過深水埗新開每優惠每台送一盤海鮮拼盆，同埋選擇都更多，牛肉種類好豐富，仲有期間限定每台都包一煲羊腩煲，食完可以揀雞煲烤魚打邊爐，真係好抵食。首先黎左個雙冬羊腩煲，凍凍地食羊腩煲真係好正，佢既羊肉好香騷，食到暖粒粒。同時送上左刺身拼盆，刺身都係可以任食，真係好抵，不斷 encore 三文魚，d 刺魚都好新鮮。滿足完羊腩煲癮就係打邊爐，揀左鴛鴦鍋（鮮茄薯仔清湯，粟米豬軟骨鍋），火鍋材料係自助落單，有封門柳 prime , 安格斯肥牛，牛販腱 prime , 牛胸爽，牛黃喉，全部都係放題任食，牛肉好高質。肉質好鮮嫩。安格斯牛脂肪分布均勻，牛販腱牛味超香，推薦。其他材料都真心唔錯，選擇都好多，海鮮拼盆都好大碟，三個人食到超飽。最後甜品有好多款口味既 gelato 意大利雪糕，食完真係超滿足。下次會再黎！