潮福蒸氣石鍋 (已結業)

平，靚，正。美味滿足海鮮盛宴潮福蒸氣石鍋開到周圍都有，最開心嘅就係佢響西環都有分店，依家仲推出左任揀任食任飲海鮮餐，我當然唔可以錯過即刻落去朝聖啦！分兩個時段5:30-8:20 嘅收費就＄338兩位起，夜少少嘅八點半後入座就＄298兩位起，剛好嗰一日要超時工作過到去剛剛八點半就可以食平少少嘅價格啦！任揀任食任飲海鮮餐包嘅嘢好多，包括有粥底，燉湯，每位送嘅兩種海鮮，另外就可以響大概十種海鮮裏邊揀五種自選！粥底我哋揀咗瑤柱鮮淮山，而湯呢我哋就叫左鮮菌燉龍躉骨！送嘅貝殼成盤呢，當日就係好鮮甜嘅大蜆，同埋花竹蝦，每位一隻，蝦大隻到不得了，十分鮮味！自選海鮮嘅選擇好多包括有肉蟹，生劏龍躉件，日本大元貝，象拔蚌仔，魷魚，象牙蚌仔，蟶子皇，大連鮑魚同埋黃金蚌，可以選擇！我地點左肉蟹。超級大隻肉質結實大元貝真係有手掌咁大只架，質感鮮嫩象拔蚌仔十分彈牙鮮甜配上粉絲同埋蒜蓉食簡直係一流當然少得嘅就係蟶子皇啦，全部都有手掌咁長架同埋其中一個我最鍾意嘅潮福美食大連鮑魚，呢個虫草花配鮑魚，令到鮑魚更加鮮甜！過程店員會細心幫你地計好時間，蒸出來的海鮮絕對係剛剛好，海鮮嘅精華流到落去鍋底嘅粥，一個幾鐘頭之後，粥底完