越棧越式湯粉專門店 (荃灣廣場) (已結業)

今日放假，行完荃新天地就行去荃灣廣場啦，4點零鐘就又肚餓啦，咁就搵少少野食啦，見到有間越棧有兩個40蚊下午茶餐都幾抵食，咁就入去啦。餐廳有兩個下午茶餐嘅，一個係粉麵加杯飲品，另一個係小食再加杯飲品，咁我地兩個都係叫左個粉麵餐啦。生牛肉河粉再加三色冰，成碗粉份量好足，牛肉都好多，湯底夠味，而且香料好充足，有洋蔥，蔥粒同埋芫茜，河粉都夠滑，完全可以同出面果d6至70蚊級數比較。三色冰就主要係椰汁，有d紅豆同埋薏米等，最大嘅特點係只係加4蚊，超值。第二碗係香矛豬扒湯檬，配料跟生牛河是一樣的，只是生牛肉轉了做香矛豬扒，個人感覺豬扒太濃香矛味，而令到食唔出豬味，整體上來講是好味的，檬粉份量都足，再跟一杯餐飲即蘑咖啡就更加接近完美了。會再幫襯的。