川味亭

營業中

休息中

做完運動超級肚餓，一出尖沙咀地鐵站見到邊間就食邊間，見到呢間串燒價錢合理，諗都唔諗就入去試，點知開心大發現，食到成枱都係都係幾百蚊買單，竟然比我發現呢間平靚正串燒，好開心。雞腎同埋牛舌超好味，牛舌係厚切好有口感，味道亦都調校得好好，唔會太辣但好好味。海鮮我哋叫咗燒大蝦，燒蠔，燒多春魚同清酒煮蜆全部都好好味，大蝦成隻手掌咁大隻，爽口彈牙，蠔直頭食到有海水味，多春魚亦都係大大條，正。仲有清酒煮蜆，隻隻蜆都係脹卜卜，好味。燒丸類一定無衰，爽口彈牙，日本蕃薯粒係飽肚之選，最驚喜係燒芝士年糕，勁流心大大舊，芝士咸咸地但年糕又甜甜地，食2舊都唔會好溜，一定係必食之選啊。