一燒窰 (已結業)

今晚同媽媽喺旺角行街，行行吓經過通菜街一間串燒店，咁岩又肚餓就決定入去試吓~入面嘅環境設計偏日式，有居酒屋嘅風格。呢度嘅食物即叫即整，所以都要等一啲時間。我同媽媽點咗一份蒲燒鰻魚定食 ($108)，包前菜同麵鼓湯。鰻魚份量超大，絕對夠送飯有餘！鰻魚肉質鮮嫩無比，肥美到入口即溶咁濟!!超滿足！但唯一要改善地方係鰻魚汁偏咸，同埋太多汁><!不過條鰻魚真係好正!!!蟹膏蟹肉煲 $50睇佢份量好似好少，但係絕對足料！入面係滿滿嘅蟹肉撈蟹膏，有粒鵪鶉蛋撈落去，味道更香，口感更creamy！蟹膏嘅咸香，撈飯真係一流！西京銀雪魚 $80肉質都幾嫩滑，但同我平時食開嘅有少少分別，平時我食開嘅係用燒汁燒，呢個應該係用沙律醬燒。酸甜嘅沙律醬反而減低油膩感，不過真係要趁熱食！金菇肥牛 $20呢個價錢有三串，真係幾抵食！而且燒得香脆，醬汁調味啱啱好！燒窰茄子 $32原條茄子上枱，賣相靚之餘，仲好惹味！燒熟後淋上燒汁、灑上脆蒜同青葱，簡單而味美！燒翠玉瓜 $13 同bb露筍 $18呢兩款就不過不失，燒得焦香惹味，迎合到大家鍾意食香口嘢，但我自己就覺得燒得有點過焦。枝豆 $28份量足，而且幾新鮮。