木屋燒烤

營業中

休息中

木屋燒烤 (旺角)旺角彌敦道593-601號創興廣場地下A號舖人山人海要等位，排隊10分鐘都好值得，好香，吸引咗好多人等食，打開個價錢牌有驚喜，真係好平喎！烤土豆片好正！外脆內軟，咬落去口感一流。撒咗啲鹽同香料，麻辣度係最刺激。烤醋澆娃娃菜幾特別，個甜酸味好醒胃，唔辣，但又有刺激感，應該係醋中和左辣，但仍然好香同清新，食落去唔會覺得膩口，食唔停。烤雞脆骨咬落去嗰陣，脆骨口感真係超級正！外面金黃爽口的，裡面又有肉的彈性，層次豐富。烤乾魷魚乾身挺直，用手套好易搣，外面烤得香脆，入面保持住咗啲彈性。鹹香味濃，搭配芥末，味道升華左。烤生蠔🦪生蠔烤得剛好，肉質鮮甜，熱辣辣，會岀煙，賣相睇落大隻又漲卜卜，引起好大嘅食慾。電白干魷炒米粉色香味俱全，米粉炒得夠鬆散，唔會黐埋一齊。干魷入味，唔油膩但偏咸，煙靭嘅質感。麥蘭鴨屎香檸檬茶茶葉帶有自然香氣，聞落好似香水，顏色清澈透亮，散發著淡淡檸檬香氣。檸檬酸甜交織恰到好處，冇孫澀味。