許榮記飲食專家

營業中

休息中

同不理由元朗出來，在波鞋街掃貨後，見肚空空，專程走入廣華街搵食，小小的一條街，似樣的店子就只得這裡，就是想試試這裡的魚蛋。問阿叔有無魚麵，佢話無就叫了碗魚蛋魚餃麵加雲吞，阿叔好似撞聾左咁又問即係魚餃定魚蛋呀，有點頂唔順，就話是但啦，打孖上餃同蛋都要再加埋雲吞！不理好簡單，只要了腩河。潮式清湯底上，魚蛋做得幾爽滑，味精唔多，有水準，如果說泉記的魚蛋是掂的話，這裡的是超掂，雲吞同魚皮餃同一餡料是豬肉，雲吞則加多了蝦，味道十足，自家製的貨仔，既有心機做，值得加分。不理的腩河亦有水準，齊輯輯的切成條狀，肥肉相間，脂肪滲在肉間，炆得唔算好腍，但肉味十足，值得一試。阿妹成日話香港無平靚正的野食，呢間絕對可以符合佢幾要求，當然食唔食得出十蚊碗同廿蚊碗的分別是後話。