釣魚翁 燒鵝．海鮮飯店 (已結業)

今朝同屋企人去呢間飲茶，平日朝早都要排隊，真係幾旺下。排左4個字，就有位。入面的早茶都幾平下，所以就劃多幾碟試下好唔好食。啲嘢食好快上，而且個上餐姐姐仲好好禮貌，提我地其中一個籠係甜品，洗唔洗幫我地搵個蓋擒住？係香港都真係幾少見茶樓有咁窩心的服務。👍🏻啲嘢食整體都好食，而且一啲都唔貴，又上得快。我地叫左15碟嘢都唔洗300蚊，性價比極高❤️。唔怪得平日咁多人黎飲茶。所以下次都會再黎試下其他點心。