牛極 (雅怡居)

營業中

休息中

今日我們靜悄悄加入高溫火山石燒肉行列，試下而家好興嘅熱石牛扒先。深水埗分店早前搭車經過見好多人排隊已經想食，搵日放工早少少去好彩有位，因為坐落已經不少人陸續入座全場爆滿！柯打了一份牛肋骨排同一份牛肩肉眼，各100g，前菜及飯採自助形式，食幾多裝幾多，不要浪費！自助落單後可以去自助區夾沙律菜，麵豉湯及醬汁，白飯就等牛肉上先再裝。熱石板及牛肉徐徐送上，牛肉約一成熟，自己切開再煎到自己喜歡的熟成即可。果然是不同部位，果道大不同！牛肋骨排是牛仔骨部位，脂肪較多，所以熱石上油花彈得較厲害，食落牛味濃之餘，脂肪味更突出，喜愛吃肥一點的會很不錯！相反牛肩肉眼則較瘦，肉汁同樣充足，不用燒很久很嫩滑，無得去日本，食住先啦！牛肉部位種類有六種，下次再試。